१. जनवादी विद्यालय संग्रहालय र क्याङ्सी तालिम केन्द्र

क्याङ्सी गाउँमा माओवादीले जनवादी स्कुल सञ्चालन गरेको थियो। त्यहाँ जनमुक्ति सेनाको तालिमस्थल चौर पनि छ। जहाँ बंकरका अवशेषहरु देख्न सकिन्छ। छिपखोलाबाट २०६१ सालमा सारेको क्याङसीको बासु निमाविलाई २०६८ सालमा सरकारी स्कुलमा गाभिएको हो।  जनयुद्वमा यो स्कुलमा सहिद परिवार, घाइते, अपांग, टुहुरा टुहरी र जनमुक्ति सेनाका बाल बच्चा पढ्थे।

पुरानो भवनमा जनवादी पुस्तक, कम्प्युटर र पर्चा सुरक्षित गरी राखिएको छ। यी ऐतिहासिक सामान संग्रह गरी संग्रहालय बनाउन सके भावी पुस्तालाई राम्रो कोशेली बन्न सक्छ।