अ) जनसेना तालिम स्थल रुपुगा लुकुम

मध्यपहाडी लोकमार्गको छेवैमा भूमे गाउँपालिका वडा नं. १ लिकुमको रुपुगाले यात्रुहरुको मन एकछिन तानिहाल्छ। प्राकृतिक मनोरम, हिउँदमा चारैतिर हिउँ अनि वर्षायाममा हरियाली वातावरण, गाईवस्तु चरेको, ढकमक्क फूल, शान्त स्थल उक्त स्थानको परिचय हो। रुपुगाको परिचय त्यति मात्र होइन, माओवादी जनयुद्ध कालमा म्याग्दी जिल्लाको बेनी आक्रमणपूर्व जनसेनाहरुले तालिम गरेको, स्याण्ड मोडल ब्रिफिङ गरेको स्थान पनि हो। अहिले पनि उक्त स्थानमा जनसेनाले तालिम गर्दा बनाएको विभिन्न आकृतिको टनेल, बङ्कर हराउने अवस्थामा देख्न सकिन्छ।