ई) बराह मन्दिर रचिबाङ

भूमे गाउँपालिका वडा नं. १ रचिबाङको मध्यपहाडी लोकमार्ग भन्दा दक्षिणपट्टि बराहि ताल र बराह मन्दिर अवस्थित छ। स्थानीयस्तरमा मिनि कमल तालको रुपमा समेत चिनिने बराही ताल वरपर औषधीय गुणयुक्त वनस्पति बोझो प्रशस्त पाइन्छ। तालको माथिपट्टि डाँडामा धार्मिक महत्व बोकेको बराह मन्दिर रहेको छ। जरा एउटा तर हाँगामा फरक फरक प्रजातिको अनौथो रुखको फेदमा बराह मन्दिर रहेको छ। मन्दिर वरपर विमानस्थल बन्न सक्ने खुला चौर छ। उक्त स्थानमा पनि जनयुद्ध कालमा माओवादी जनसेनाहरुले तालिम गरेका थिए। उक्त स्थानमा भूमे गाउँपालिकाद्वारा मन्दिरको पुनर्निर्माण, खानेपानी धारा निर्माण र तालको संरक्षणको काम थालिएको छ।