अ) फुलबारी

बाह्रै महिना विभिन्न प्रजातिका फूलहरु ढकमक्क भैराख्ने भएकाले भूमे गाउँपालिकाको वडा नं ७ र ९ को सीमाना पर्ने नेटालाई फूलबारी नामाकरण गरिएको हुनुपर्छ । उच्च स्थानमा भएकाले उक्त स्थानबाट लाबाङ, भित्रवन, भित्रवन, चुनबाङ, तीन बहिनी लेक, सिस्ने हिमाल, रोल्पाको विभिन्न स्थानहरुको अवलोकन गर्न सकिन्छ। चुनबाङको गैरीगाउँबाट करिब ८ घण्टाको पैदल दूरीमा पुग्न सकिने उक्त स्थानमा लाबाङबाट करिब ३ घण्टामा पुग्न सकिन्छ । पिकनिक, हाइकिङ र दृष्यावलोकनका लागि अति उपयुक्त उक्त स्थानमा वर्षको एक पटक पूजा पनि गरिन्छ । धार्मिक तथा पर्यटकीय दृष्टिकोणले सम्भावनायुक्त उक्त स्थानमा       पार्क निर्माण, प्रतिक्षालय, पिकनिक स्पट निर्माणका साथं स्याउ खेती उद्यान बनाउन सकेमा पर्यटनमा थप टेवा पुग्नेछ।